#الصحة_النفسية
🍀الخوف مش عدوك……الخوف رسالة 🍀
كلنا بنخاف بس في ناس الخوف ماسك حياتها
يعطلها
يقلقها
ويخليها دايما مستنية الاسوأ.
الحقيقة إن الخوف مش جاي يكسرنا
الخوف جاي يفهمنا حاجة.
✨يعني إيه خوف؟
الخوف إحساس طبيعي
بيطلع لما المخ يحس بخطر
حتى لو الخطر ده فكرة مش موقف حقيقي.
المشكلة مش في الخوف
المشكلة في الهروب منه.
⚡ليه بنخاف زيادة؟
*تجارب صعبة قديمة
*تفكير مفرط
*إحساس بعدم الأمان
*كبت مشاعر لفترة طويلة
الخوف أحيانا بيبقى صوت وجع قديم.
💥إزاي الهروب بيقوي الخوف؟
كل مرة:
*تتهرب
*تطمن نفسك زيادة
*تسأل الناس كتير
*تفتش وتدرو
الخوف يكبر ويثبت في دماغك.
🌿مواجهة الخوف…..مش معناها تهور
مواجهة الخوف معناها:
*تسمعه
*تحسه
*ومتجريش منه
👇خطوات عملية لمواجهة الخوف
1️⃣اعترف بالخوف
قول أنا خايف
من غير جلد نفس
ولا استهزاء بنفسك
2️⃣سمي الخوف
هل هو خوف:
من فقد؟
من مرض ؟
من فشل؟
ولا خوف بلا اسم ؟
التسمية بتقلل قوته.
3️⃣ما تحاولش تهرب من الأحساس
نفس عميق وخليه موجود
الخوف بيهدى لو ما قاومتوش
4️⃣فرق بين الفكرة والواقع
مش كل فكرة حقيقة
مش كل إحساس دليل خطر
5️⃣واجه بالتدريج
خطوة صغيرة
كل مرة
أهم من قفزة كبيرة
6️⃣طمن نفسك صح
مش تكرار
مش بحث
طمن نفسك بالثبات
🌹كلمة طبطبة:
إنت شجاع مش علشان ما بتخافش
إنت شجاع لأنك بتواجه خوفك
وانت خايف
🌳دعاء
اللهم انزع من قلوبنا الخوف ،واملأها طمانينة وثقة بك.
#طبطبة_نفسية
#الخوف
#القلق
#مواجهة_الخوف
#Zeinab_Psychologist
خطوات للتخلص من التفكير الزائد
حاسس إن دماغك مش بتبطل تفكير؟ جربي تعملي كده 🤍 لما الأفكار تفضل تلف في دماغك وكل حاجة تحس إنها كتير عليك… خد دقيقة واحدة بس 📝 هات ورقة واكتب 3 حاجات: 1️⃣ إيه اللي مضايقني دلوقتي؟ اكتبي كل اللي جواكِ من غير ترتيب أو تفكير فرغي كل اللغبطة اللي فدماغك 2️⃣ إيه الحاجة اللي...
0 تعليق