💤 سلسلة 👈 كواليس العيد 2. خناقة ليلة العيد السنوية.. “السيستم” محتاج يتغير 💥 تقريباً مفيش بيت مبيعديش بالخناقة الشهيرة دي.. التوتر بيوصل لأعلاه، كلمة من هنا على رد من هنا، والنتيجة: الكل بينام زعلان، ونصحي الصبح نتبادل التهنئة بابتسامات باهتة. 😣 ​السبب النفسي وراء خناقات العيد: هو “تراكم الضغوط + سقف التوقعات العالي”. لما بنكون مضغوطين، جهازنا العصبي بيكون في حالة (تأهب للقتال)، وأقل كلمة بنفهمها على إنها هجوم. ✋ ​ازاي نكسر الدايرة السنوية دي؟ ​افصلي الشحن قبل ما يفصل منك: أول ما تلاقي صوتك بدأ يعلى، انسحبي 5 دقائق، خدي نفس عميق، وافتكري: “الزعل ده هيضيع فرحة العيد”. ​اتكلموا عن التوقعات: بلاش لوم وعتاب (انت مش بتساعد – انتي مكبرة الموضوع).. استبدلوها بطلب واضح (أنا محتاجة مساعدة في كذا دلوقتي لو سمحت). ​وقفي السباق: لو الشغل كتير ومش ملاحقين، الغوا جزء منه. السلام النفسي للأسرة أهم من الكحك وأهم من لمعة السجاد. 😘 ​افتكروا دايماً: البيوت بتتنور بالود والكلمة الطيبة، مش بنظافة الحيطان. وبكرة العيد.. يلا نسامح. ✨ د/أسماء البهنسى معالج نفسي اكلينيكي ومتخصص في الصحة النفسية والإرشاد الأسري والتربوي والدعم النفسي