“أنا عصبية بطبعي” جملة بسمعها كتير من ستات فاكرة إن المشكلة في شخصيتهم! لكن الحقيقة النفسية مختلفة تمامًا💁🏻‍♀️ العصبية مش عيب فيكِ العصبية غالبًا عرض لإرهاق داخلي مزمن اسمه (الاحتراق العاطفي). بيحصل لما: ▪️تدي أكتر ما بتاخدي ▪️تشيلي همّ البيت والأولاد والزوج ▪️تكتمي زعلك عشان “الدنيا تمشي” ▪️تعيشي طول الوقت في دور “أنا قوية ومش محتاجة حد” ساعتها جسمك وعقلك بيدخلوا في وضع طوارئ🚨 وأبسط كلمة ممكن تتحول لانفجار! والغريب؟ إن العصبية بتطلع على أقرب الناس ليكي مش لأنهم الأسوأ..لكن لأنهم المساحة الوحيدة اللي بتحسي فيها بالأمان 🖇️طيب أعمل إيه لما أحس إني على وشك الانفجار؟ لو انتي دلوقتي حاسه بضغط 1️⃣ توقفي 90 ثانية خدي نفس عميق وبطيء (ده بيهدي الجهاز العصبي فعلًا) 2️⃣ اسألي نفسك: “أنا محتاجة إيه دلوقتي؟” مش “مين غلط” 3️⃣ قولي بدل الصراخ: “أنا مرهقة ومش قادرة أتكلم دلوقتي” جملة بسيطة…لكن ممكن تنقذك وتنقذ اللي حواليكي. انتِ مش عصبية! انتِ محتاجة راحة، دعم، واحتواء🫂 والست اللي بتنهار مش ضعيفة هي ست حملت أكتر مما يحتمل القلب لو حاسة إن الكلام ده بيوصفك سيبي كومنت أو ابعتي رسالة لو حابة تتكلمي في مساحة آمنة _ د/ أسماء البهنسي متخصص في الصحة النفسية والإرشاد الأسري والدعم النفسي